മോഹന് ലാലിനെത്തേടി തമിഴകത്ത് നിന്ന് കൂടുതല് അവസരങ്ങളെത്തുന്നു.

ഇളയദളപതി വിജയ്ക്കൊപ്പമഭിനയിച്ച ജില്ല സൂപ്പര്‍ഹിറ്റായതോടെ മലയാളത്തിന്റെ പ്രിയനടന്‍ മോഹന്‍ലാലിനെത്തേടി തമിഴകത്ത് നിന്ന് കൂടുതല്‍ അവസരങ്ങളെത്തുന്നു. അഭിഷേക് ചൗബേ സംവിധാനം ചെയ്ത് 2010ല്‍ ഇറങ്ങിയ ഇഷ്കിയ എന്ന ബോളിവുഡ് സിനിമയുടെ തമിഴ് റീമേക്കിലൂടെ മോഹന്‍ലാല്‍ വീണ്ടും തമിഴകത്തെത്തുന്നെന്നാണ് റിപ്പോര്‍ട്ട്.

ഇഷ്കിയയില്‍ നസറുദ്ദീന്‍ ഷാ അവതരിപ്പിച്ച കഥാപാത്രത്തെയാണ് ലാല്‍ അവതരിപ്പിക്കുന്നത്. വിദ്യാ ബാലനും നസറുദ്ദീന്‍ ഷായും അര്‍ഷാദ് വാര്‍സിയും തകര്‍ത്തഭിനയിച്ച ഇഷ്കിയ സൂപ്പര്‍ഹിറ്റായിരുന്നു. അര്‍ഷാദ് വാര്‍സിയുടെ റോളില്‍ ആര്യയും വിദ്യ ബാലന്റെ റോളില്‍ ലക്ഷ്മി റായിയും എത്തുമെന്നുമാണ് റിപ്പോര്‍ട്ട്. തമിഴില്‍ ചിത്രം ഒരുക്കുന്നത് ആരാണെന്ന് സംബന്ധിച്ച വിവരങ്ങളൊന്നും തന്നെ പുറത്തുവിട്ടിട്ടില്ല.