മലപ്പുറം;ഗെയില് വാതക പൈപ്പ് ലൈന് പദ്ധതി തടയുന്നവരെ ഒരുവര്ഷംവരെ തടവ് ശിക്ഷ കിട്ടാവുന്ന കുറ്റം ചുമത്തി അറസ്റ്റുചെയ്യുമെന്ന് ചീഫ് സെക്രട്ടറി ജിജി തോംസണ്. എന്ത് തടസ്സമുണ്ടായാലും അത് മറികടന്ന് പദ്ധതി നടപ്പാക്കാനാണ് സംസ്ഥാന സര്ക്കാറിന്െറ തീരുമാനം. ബിനാനിപുരത്ത് ഗെയില് പൈപ്പ്ലൈന് പദ്ധതിയുടെ രണ്ടാംഘട്ടത്തിന് തുടക്കം കുറിച്ചശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. വൈപ്പിനില്നിന്നും മംഗലാപുരം, ബംഗളൂരു എന്നിവിടങ്ങളിലേക്കാണ് പൈപ്പ്ലൈന് സ്ഥാപിക്കുന്നത. ഇതിന് വിവിധയിടങ്ങളില് എത്തിച്ച പൈപ്പിന് 1200 കോടി രൂപയോളം ചെലവായിട്ടുണ്ട്. 17 കി.മീ മാത്രമേ നിര്മാണം പൂര്ത്തിയായിട്ടുള്ളൂ. ഇത്രയും തുക നിക്ഷേപിച്ചശേഷം പദ്ധതി പാതിവഴിയില്മുടക്കാനാവില്ല-അദ്ദേഹം പറഞ്ഞു.