പ്ലാസ്റ്റിക് പ്രത്യേകിച്ചും ജഢഇ കത്തിക്കുമ്പോള് വമിക്കുന്ന ഡോയോക്സിന്, ഫ്യൂറാന് എന്നീ വിഷയങ്ങള് കാന്സറിന് കാരണമാകുന്നു. കൂടാതെ നാഡിവ്യൂഹത്തെ തകര്ക്കുകയും ചെയ്യുന്നു.
പ്ലാസ്റ്റിക് കുപ്പികളില് അടങ്ങിയ ഡൈ ഈഥൈല് ഹൈഡ്രോക്സിന് ആമീന് എന്ന രാസപദാര്ത്ഥം കാന്സറിന്റെ മുഖ്യഹേതുവെന്ന് പഠനങ്ങള് തെളിയിക്കുന്നു.
അതെ, കാര്യങ്ങള് പേടിപ്പെടുത്തുന്നവ തന്നെ.
ടാര്റോഡുകളുടേയും കോണ്ക്രീറ്റ് മുറ്റങ്ങളുടേയും വര്ദ്ധനവ് പുരോഗതിയായി കാണുന്ന നമ്മുടെ നാട്ടില് ശേഷിക്കുന്ന സ്ഥലത്തെ മണ്ണിനെ കാഴ്ചയില് നിന്നും മറച്ചുകൊണ്ട് പ്ലാസ്റ്റിക് നിറയയുന്നു. നിരന്തരമായി ഉപയോഗിച്ച് വലിച്ചെറിഞ്ഞ് നമ്മളതിനെ സ്വാഗതം ചെയ്യുന്നു. രോഗങ്ങളെ സ്വാഗതം ചെയ്യുന്നു.
മണ്ണിന്റെ ജലസംഭരണ ശേഷിക്ക് ഭീഷണിയായി, രോഗങ്ങള്ക്ക് ഹേതുവായി പ്ലാസ്റ്റിക്ക് വെല്ലുവിളിയാകുന്നു.
നമ്മള് ഇതൊന്നും മനസ്സിലാക്കുന്നില്ല. നമ്മുടെ നിലനില്പ്പിന്റെ അടിസ്ഥാനമായ സസ്യങ്ങള് വളരേണ്ടയിടങ്ങളില് നമ്മള് നിര്ദ്ദാക്ഷണ്യം വീണ്ടും വലിച്ചെറിയുന്നതെന്തൊക്കെ......? പ്ലാസ്റ്റിക് സഞ്ചികള്, കപ്പുകള് പ്ലേറ്റുകള്, ബോക്സുകള്, ഭക്ഷ്യവസ്തുക്കളേയയും അല്ലാത്തവയയേയും പൊതിഞ്ഞ കവറുകള്... അങ്ങിനെ നൂറുകൂട്ടം. ഒരേയൊരു ഗ്രഹത്തെ മരുഭൂമിയാക്കാനുള്ള നമ്മുടെ സംഭാവന.
ചകിരികയറിനുപകരം പ്ലാസ്റ്റിക് ചരട് ഉപയോഗിച്ച് വെള്ളം കോരുമ്പോള് വെള്ളത്തിലെത്തുന്ന പ്ലാസ്റ്റിക് പൊടികളെ ദിവസവും അരിക്കൊപ്പം പുഴുങ്ങി തിന്നുന്ന നമുക്ക് ആരോഗ്യബോധമുണ്ടോ?
വേണ്ടേ, ഇതിനൊരവസാനം...
സര്ക്കാര്, പ്ലാസ്റ്റിക് കവറുകളും മറ്റും നിരോധിച്ചിരുന്നെങ്കില് എളുപ്പമായേനെ. അതിനുവേണ്ടി ശ്രമിക്കേണ്ടതുണ്ട്.
പക്ഷെ ഇതിനൊപ്പം നമ്മുടെ ജീവിതം കൊണ്ട് പ്ലാസ്റ്റിക്കിനെ എതിര്ത്തില്ലെങ്കില് നഷ്ടമാകുന്നത് നമ്മുടെ ജീവിതം തന്നെയാവും.
അവസാന രക്ഷാമാര്ഗ്ഗം!
വീട്ടിലെയും നാട്ടിലെയും എല്ലാ ചടങ്ങുകള്ക്കും ആഘോഷങ്ങള്ക്കും പ്ലാസ്റ്റിക് കപ്പിനും പ്ലേറ്റിനും ഉപയോഗിക്കാതെ കടലാസിന്റേതുപയോഗിക്കുക.
ദിവസവും അനേകം പ്ലാസ്റ്റിക് സഞ്ചികള് വീട്ടിലെത്തിക്കുന്നരീതിമാറ്റി എന്നും കടകളിലേക്ക് പോകുമ്പോള്, അല്ലെങ്കില് വീട്ടില് നിന്നിറങ്ങുമ്പോള് ഒരു സഞ്ചി കയ്യില് കരുതുക.
രാഷ്ട്രീയ പാര്ട്ടി പ്രവര്ത്തകര് ഉള്പ്പെടെ എല്ലാവരും അലങ്കാരത്തിനു പ്ലാസ്റ്റിക് തോരണങ്ങള് ഉപയോഗിക്കുന്നത് നിര്ത്തുക.
പ്ലാസ്റ്റിക് മാലിന്യം പറമ്പുകളിലും പൊതുവഴികളിലും വലിച്ചെറിയാതിരിക്കുക.
മണ്ണിന്റെ ആരോഗ്യം മോശമാകുന്നതിനാല് പറമ്പുകളിലെ പ്ലാസ്റ്റിക് മാലിന്യം നീക്കം ചെയ്യുക.
കടകളില്നിന്നും സാധനങ്ങള് വാങ്ങിക്കുമ്പോള് കടലാസില് കെട്ടിവാങ്ങാന് താല്പ്പര്യം എടുക്കുക.
അലങ്കാര വസ്തുക്കളും മറ്റും എത്ര ഭംഗിയുള്ളവയായാലും പ്ലാസ്റ്റിക് നിര്മ്മിതമാണെങ്കില് വൃത്തിക്കെട്ടതാണെന്ന ബോധം വളര്ത്തുക.
തുണിസഞ്ചികളും ചാക്കും പ്ലാസ്റ്റിക്കിനേക്കാള് മികച്ചതെന്നറിയുക. കുട്ടികളില് അത്തരം ശരിയായ ബോധം വളര്ത്തിയെടുക്കുക.
സ്വാതന്ത്ര്യദിനം മുതലായ ദിവസങ്ങളില് പായസദാനം നടത്തുന്നവര് പ്ലാസ്റ്റിക് കപ്പുകള് ഒഴിവാക്കി ഇലയോ, പേപ്പര് കപ്പോ ഉപയോഗിക്കുക.
കടപ്പാട്: (ഗ്രീന് ഹോപ്പ് സൊസൈറ്റി, ബോധി ഗ്രീന്സ്, പി.ഒ.കോട്ടൂളി, കോഴിക്കോട്)
.jpg)
