Home » » സാറ്റലൈറ്റ്‌ അവകാശം മാത്രം ലക്ഷ്യമിട്ട്‌ പ്രവര്‍ത്തിക്കുന്ന സിനിമകള്‍ക്ക്‌ നിയന്ത്രണം ഏര്‍പ്പെടുത്താന്‍ തീരുമാനമായി.

സാറ്റലൈറ്റ്‌ അവകാശം മാത്രം ലക്ഷ്യമിട്ട്‌ പ്രവര്‍ത്തിക്കുന്ന സിനിമകള്‍ക്ക്‌ നിയന്ത്രണം ഏര്‍പ്പെടുത്താന്‍ തീരുമാനമായി.

Written By Unknown on Wednesday, 19 March 2014 | 19:01

കൊച്ചി: സാറ്റലൈറ്റ്‌ അവകാശം മാത്രം ലക്ഷ്യമിട്ട്‌ പ്രവര്‍ത്തിക്കുന്ന സിനിമകള്‍ക്ക്‌ നിയന്ത്രണം ഏര്‍പ്പെടുത്താന്‍ കൊച്ചിയില്‍ ചേര്‍ന്ന സിനിമാ പ്രവര്‍ത്തകരുടെ യോഗത്തില്‍ തീരുമാനമായി. സാറ്റലൈറ്റ്‌ അവകാശം ലഭിക്കാതെ നൂറിലധികം സിനിമകള്‍ കെട്ടിക്കിടക്കുന്ന സാഹചര്യത്തിലാണ്‌ സിനിമാ പ്രവര്‍ത്തകരുടെ യോഗം ചേര്‍ന്നു പ്രശ്‌നം ചര്‍ച്ച ചെയ്‌തത്‌.

കെട്ടിക്കിടക്കുന്ന സിനിമകള്‍ക്ക്‌ സാറ്റലൈറ്റ്‌ തുക നിശ്ചയിക്കാന്‍ പ്രൊഡ്യൂസര്‍മാരുടെ സാന്നിധ്യത്തില്‍ അദാലത്ത്‌ സംഘടിപ്പിക്കും. ഇതിനായി സംഘടനാ പ്രതിനിധികള്‍ ഉള്‍പ്പെടുന്ന സബ്‌ കമ്മിറ്റിക്ക്‌ യോഗം രൂപം നല്‍കി. സിനിമാ നിര്‍മാണ ചിലവ്‌ കുറയ്‌ക്കാനുള്ള നടപടികള്‍ സ്വീകരിക്കാനും പുതിയ നിര്‍മാതാക്കളെ പ്രോത്സാഹിപ്പിക്കുന്ന നയങ്ങളുമായി മുന്നോട്ടു പോകാനും യോഗത്തില്‍ തീരുമാനമായി.

കേരളാ ടെലിവിഷന്‍ ഫെഡറേഷന്‍, ഫിലിം പ്രൊഡ്യൂസേഴ്‌സ്‌ അസോസിയേഷന്‍, അമ്മ, ഫെഫ്‌ക തുടങ്ങിയ സംഘടനകളുടെ സംയുക്ത യോഗത്തിലാണ്‌ മലയാള സിനിമാ മേഖലയിലെ പ്രതിസന്ധി പരിഹരിക്കാനുള്ള നടപടികളെക്കുറിച്ച്‌ ധാരണയിലെത്തിയത്‌.

Share this article :

 
Copyright © 2014. Mvartha.com - All Rights Reserved
Proudly powered by axinture
Powered by Blogger.