തൃശൂരില്‍ ഗുണ്ടാ ആക്രമണത്തില്‍ രണ്ടുപേര്‍ മരിച്ചു.

തൃശൂര്‍: കോടന്നൂരില്‍ ഗുണ്ടാ ആക്രമണത്തില്‍ രണ്ടുപേര്‍ മരിച്ചു. കോടന്നൂര്‍ സ്വദേശി അയ്യപ്പദാസ്, രാജേഷ് എന്നിവരാണ് മരിച്ചത്. ഗുരുതരമായി പരിക്കേറ്റ ഒരാളെ തൃശൂരിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. പണത്തെ ചൊല്ലി ഗുണ്ടാ സംഘങ്ങള്‍ക്കിടിയിലുണ്ടായ തര്‍ക്കമാണ് കൊലപാതകത്തില്‍ കലാശിച്ചതെന്ന് പൊലീസ് പറയുന്നു. വടിവാള്‍ ചുറ്റിക എന്നിവ കൊണ്ട് ഗുരുതരമായി പരിക്കേറ്റ കാരേക്കാട്ട് മാരാത്ത് അയ്യപ്പദാസ് ആശുപത്രിയിലേക്ക് കൊണ്ടു പോകും വഴിയാണ് മരിച്ചത്. പരിക്കേറ്റ രാജേഷ് അരമണിക്കൂറോളം രക്തം വാര്‍ന്ന് വഴിയരികില്‍ കിടന്നു. പി്നീട് ആശുപത്രിയില്‍ എത്തിച്ചെങ്കിലും സന്ധ്യയോടെ മരണം സംഭവിക്കുകയായിരുന്നു. 

അയ്യപ്പദാസ് നിരവധി ക്രിമിനല്‍ കേസുകളില്‍ പ്രതിയാണെന്ന് പൊലീസ് പറയുന്നു. ഗുരുതരമായി പരിക്കേറ്റ രാജേഷ്, പുല്ലന്‍ സിജോ എന്നിവര്‍ തൃശൂരിലെ സ്വകാര്യ ആശുപത്രിയില്‍ ചികിത്സയിലാണ്. കോടന്നൂര്‍ സ്വദേശികള്‍ തന്നെയായ പ്രതികള്‍ നെടുപുഴ ഭാഗത്തേക്കാണ് രക്ഷപ്പെട്ടതെന്ന സംശയത്തിലാണ് പൊലീസ്. ചേര്‍പ്പ് സി ഐ സി സുന്ദരന്റെ നേതൃത്വത്തിലുള്ള പൊലീസ് സംഘമാണ് കേസ് അന്വേഷിക്കുന്നത്.