തിരുവനന്തപുരം : ബാര് കോഴക്കേസില് അന്വേഷണമേല്നോട്ടം വഹിക്കുന്നഎ.ഡി.ജി.പി: ജേക്കബ് തോമസിനെ ഡി.ജി.പിയായി സ്ഥാനക്കയറ്റം കിട്ടിയതോടെ വിജിലന്സില്നിന്നു മാറ്റി, കേരള പോലീസ് ഹൗസിങ് കണ്സ്ട്രക്ഷന് കോര്പറേഷന് മാനേജിംഗ് ഡയറക്ടറായി നിയമിക്കും.
പോലീസ് മേധാവിയായി ടി.പി. സെന്കുമാര് ചുമതലയേല്ക്കുന്നതിനു മുമ്പുള്ള അഴിച്ചുപണിയില് ഉത്തരമേഖലാ എ.ഡി.ജി.പി: എന്. ശങ്കര് റെഡ്ഡിയെ വിജിലന്സില് നിയമിക്കുമെന്നാണു സൂചന. പരിശീലനവിഭാഗം മേധാവി രാജേഷ് ദിവാനെ ഉത്തരമേഖലയില് നിയമിച്ചേക്കും. പോലീസ് നവീകരണച്ചുമതലയുള്ള എ.ഡി.ജി.പി: അരുണ്കുമാര് സിന്ഹയ്ക്കു ഹെഡ്ക്വാര്ട്ടേഴ്സ് ഭരണച്ചുമതല നല്കും. നിലവില് ഹെഡ്ക്വാര്ട്ടേഴ്സ് എ.ഡി.ജി.പിയായ ലോക്നാഥ് ബെഹ്റയെ ജയില്മേധാവിയായി നിയമിക്കുന്നതിനൊപ്പം ഡി.ജി.പിയായി സ്ഥാനക്കയറ്റം നല്കും.
എന്നും വിവാദങ്ങള്ക്കൊപ്പമായിരുന്നു 1985 ബാച്ച് ഐ.പി.എസുകാരനായ ജേക്കബ് തോമസിന്റെ ഔദ്യോഗികജീവിതം. എറണാകുളം കമ്മിഷണറായിരിക്കേ രാമവര്മ ക്ലബ്ബില് ഉന്നതരുടെ ചീട്ടുകളി അവസാനിപ്പിച്ചതിനേത്തുടര്ന്ന് കസേര തെറിച്ചു. ക്രൈംബ്രാഞ്ച് എസ്.പി, സിവില് സപ്ലൈസ് കോര്പറേഷന് മാനേജിങ് ഡയറക്ടര്, തുറമുഖ ഡയറക്ടര് എന്നീ നിലകളിലും പ്രവര്ത്തിച്ചു.
.jpg)
