കണ്ണൂര് : സിഎംപി നേതാവും മുന് സഹകരണ മന്ത്രിയുമായ എം.വി രാഘവന് അന്തരിച്ചു. 81 വയസായിരുന്നു. വാര്ദ്ധക്യ സഹജമായ അസുഖങ്ങളെ തുടര്ന്ന് ഇന്ന് രാവിലെ 8.30 ന് കണ്ണൂര് പരിയാരം സഹകരണ ആശുപത്രിയിലായിരുന്നു അന്ത്യം. ഏറെക്കാലമായി മറവി രോഗത്തെ തുടര്ന്ന് ചികിത്സയിലായിരുന്നു. സംസ്കാരം നാളെ 11 ന് കണ്ണൂര് പയ്യാമ്പലത്ത്. ഇന്ന് വൈകിട്ട് നാലുമണിവരെ പരിയാരം മെഡിക്കല് കോളജില് മൃതദേഹം പൊതു ദര്ശനത്തിന് വെക്കും. തുടര്ന്ന് പറശ്ശിനിക്കടവ് വിഷചികിത്സാ കേന്ദ്രത്തിലും നാളെ രാവിലെ എട്ടു മണി മുതല് സിഎംപി ഓഫീസിലും മൃതദേഹം പൊതു ദര്ശനത്തിനുവെക്കും.
കണ്ണൂര്
പാപ്പിനിശേറി മേലേത്ത് വീട്ടില് ശങ്കരന് നമ്പ്യാരുടേയും തമ്പായിയുടേയും
മകനായി 1933 മേയ് അഞ്ചിനാണ് എംവിആറിന്റെ ജനനം. 15ാം വയസില് കമ്യൂണിസ്റ്റ്
പാര്ട്ടിയില് പ്രവര്ത്തിച്ചുതുടങ്ങി. 1964ല് സിപിഐ പിളര്ന്നു സിപിഎം
രൂപംകൊണ്ടപ്പോള് സിപിഎമ്മില് ചേര്ന്നു. 1970ലാണ് ആദ്യമായി
നിയമസഭയിലേക്കു മത്സരിക്കുന്നത്. മാടായി മണ്ഡലത്തില്നിന്ന് അന്നു
തെരഞ്ഞടെുക്കപ്പെട്ടു. പിന്നീട് 1977ലും 1980ലും 1982ലും തളിപ്പറമ്പ്,
കൂത്തുപറമ്പ്, പയ്യന്നൂര് എന്നിവിടങ്ങളില്നിന്നു വിജയിച്ചു.
ബദല്രേഖയുമായി ബന്ധപ്പെട്ട വിവാദത്തെത്തുടര്ന്നു സിപിഎം പാര്ട്ടി
നടപടിക്കു വിധേയനായി 1986 ജൂണ് 23ന് അദ്ദേഹം പാര്ട്ടിക്കു പുറത്തായി.
തൊട്ടടുത്ത മാസം തന്നെ സിഎംപി എന്ന രാഷ്ട്രീയ പാര്ട്ടി രൂപീകരിച്ചു.
യുഡിഎഫില് എംഎല്എയും മന്ത്രിയുമൊക്കെയായി. അവസാന കാലത്ത് യുഡിഎഫുമായി ചില
ഭിന്നതയും എംവിആറിന്റെ ഭാഗത്തുനിന്നുണ്ടായി.
.jpg)
