തിരുവനന്തപുരം: ഭക്ഷ്യസിവില് സപ്ലൈസ് മന്ത്രി അനൂപ് ജേക്കബിനെതിരേ വിജിലന്സ് അന്വേഷണം. കേരള കോണ്ഗ്രസ്-ബി ചെയര്മാന് ആര്.ബാലകൃഷ്ണപിള്ള നല്കിയ പരാതിയിലാണ് അന്വേഷണം. ഉപഭോക്തൃ തര്ക്കപരിഹാര കോടതി നിയമനങ്ങളില് അഴിമതിയുണ്ടെ ന്ന് ആരോപിച്ച് ഒരു മാസം മുന്പാണ് പിള്ള വിജിലന്സ് ഡയറക്ടര്ക്ക് പരാതി നല്കിയത്. പരാതി പരിഗണിച്ച് വിജിലന്സ് ഡയറക്ടര് സ്പെഷല് സെല് എസ്പിമാരോട് അന്വേഷിച്ച് റിപ്പോര്ട്ട് നല്കാന് ആവശ്യപ്പെട്ടു. മുന്പ് മുഖ്യമന്ത്രിക്ക് നല്കിയ കത്താണ് പിള്ള വിജിലന്സ് ഡയറക്ടര്ക്കും പരാതിയായി നല്കിയത്. അനൂപ് ജേക്കബിന് പുറമേ ധനമന്ത്രി കെ.എം.മാണിക്കെതിരേയും അഴിമതി ആരോപിച്ച് പിള്ള പരാതി നല്കിയിരുന്നു.
.jpg)
