തിരുവനന്തപുരം: ബാര് കോഴക്കേസില് ധനമന്ത്രി കെ.എം മാണി രാജിവെക്കണമെന്ന് ആവശ്യപ്പെട്ട് നിയമസഭയ്ക്ക് മുന്നിലേക്ക് സംഘടിച്ചെത്തിയ യുവമോര്ച്ച പ്രവര്ത്തകരെ പിരിച്ചു വിടാന് പോലീസ് ജലപീരങ്കിലും കണ്ണീര് വാതകവും പ്രയോഗിച്ചു. പ്രവര്ത്തകരെ തടയാന് പോലീസ് ബാരിക്കേഡുകള് സ്ഥാപിച്ചുവെങ്കിലും പ്രവര്ത്തകര് ബാരിക്കേഡുകള് തകര്ക്കാന് ശ്രമിച്ചതോടെയാണ് പോലീസ് ജലപീരങ്കിയും കണ്ണീര് വാതകവും പ്രയോഗിച്ചത്.
ഇതിനിടെ സംഘടിച്ചെത്തിയ പ്രവര്ത്തകരും പോലീസും തമ്മില് വാക്കേറ്റവും ഉന്തും തള്ളും ഉണ്ടായി. സംഘര്ഷത്തില് രണ്ട് പ്രവര്ത്തകര്ക്ക് പരുക്കേറ്റു. ഇവരെ മെഡിക്കല് കോളജ് ആശുപത്രിയില് പ്രവേശിപ്പിച്ചു.
.jpg)
